Geet Ganga

geet in hindi and meaning please

Hei maatrushakti vishwa kee jaag ab too jaag
He naareeshakti vishwa kee jaag ab too jaag

Ushahkaal kee prabhaa tujhe jagaa rahee
Vihanga kee ye toliya prabhaat gaa rahee
Tal gayee nishaa ghanee pralaya kaal see
Surya rashmiyaa sakhee tujhe jagaa rahee
Vishwa ko jagaane vaale supta kyon too aaj
Jaag ab too jaag

Too Shiva kee veer jananee desha kee mahan
Too karaal kaal hanee jhansee men mahan
Swatantrataa kee vedee rakta se sanee jahan
Kranteeveer prerana too kho gayee kahan
Hai tere hee saath jude wishwa ke ye bhaag
Jaag ab too jaag

Bhaavee bishwa yojana tere hee kokha se,
De naveen kalapana naveen swapna se
Bujha rahe ye deep dekh kaalikhon bharen
Heen deen se bharen kyon vatsa ma tere
Sneh se sawarne too chhed de ye raag
Jaag ab too jaag

Samasta raastrashaktiyan tujhe jaga rahee
Digdiganta se yahee aawaaj aa rahee
Chandramundanaashini asurmardinee
Sankatonse taarane kar too mahaa yaag
Jaag ab too jaag