Geet Ganga

असे मी अनादी मला अंत नाही
मला मृत्युची या मुळी खंत नाही
पडू दे इथे ही तनू मृण्मयी रे
चिरंजीव मी वीर मृत्युंजयी रे॥१॥

आम्ही प्राशिले मत्त त्या सागराला
आम्ही प्राशिले कालकूटा गराला
असे वीर्य ते माझिया संचयी रे
चिरंजीव मी वीर मृत्युंजयी रे॥२॥

जिथे न्याय -निती सवे सत्य आहे
जयाची पताका तिथे नित्य आहे
उभा देव तेथे सदा निश्चयी रे
चिरंजीव मी वीर मृत्युंजयी रे॥३॥

पुन्हा यज्ञि या द्यावया आहुती मी
पुन्हा जन्म घेइन रे भारती मी
असे येथली वीरता अक्षयी रे
चिरंजीव मी वीर मृत्युंजयी रे॥४॥

इथे वाहता धार ही शोणिताची
पहा जागली अस्मिता भारताची
उभी सिध्द सेना पहा ती जयी रे
चिरंजीव मी वीर मृत्युजयी रे॥५॥

ase mī anādī malā aṁta nāhī
malā mṛtyucī yāa muḻī khaṁta nāhī
paḍū de ithe hī tanū mṛṇmayī re
ciraṁjīva mī vīra mṛtyuṁjayī re ||1||

āmhī prāśile matta tyā sāgarālā
āmhī prāśile kālakūṭā garālā
ase vīrya te mājhiyā saṁcayī re
ciraṁjīva mī vīra mṛtyuṁjayī re||2||

jithe nyāya -nitī save satya āhe
jayācī patākā tithe nitya āhe
ubhā deva tethe sadā niścayī re
ciraṁjīva mī vīra mṛtyuṁjayī re ||3||

punhā yajñi yā dyāvayā āhutī mī
punhā janma gheina re bhāratī mī
ase yethalī vīratā akṣayī re
ciraṁjīva mī vīra mṛtyuṁjayī re ||4||

ithe vāhatā dhāra hī śoṇitācī
pahā jāgalī asmitā bhāratācī
ubhī sidhda senā pahā tī jayī re
ciraṁjīva mī vīra mṛtyujayī re||5||