सत्कार्याचे अखंड चिंतन
वीरव्रताचे रक्षाबंधन॥धृ॥
पराक्रमाला हे आवाहन
संकल्पाचा अग्नि सचेतन
धगधगत्या निष्ठेचे स्पंदन
तारुण्याचे चिरसंवर्धन॥१॥
शिरी कोसळे संकट पर्वत
झेलु तयाला हांसत हांसत
विजयी मनाचे हे घनगर्जित
राखीचा पीळ सांगे गर्जून॥२॥
तंतू तंतू या रक्षेचा
ह्रदयांतरिच्या माधुर्याचा
बंधुत्वाच्या मंगलतेचा
संघशक्तिचे हे संजीवन॥३॥
अमूर्त स्वप्ने या रक्षेची
भारतभूच्य चिरविजयाची
बाहुबलाने मूर्त व्हायची
वन्हि चेतवू मनामनातुन॥४॥
satkāryāce akhaṁḍa ciṁtana
vīravratāce rakṣābaṁdhana ||dhṛ||
parākramālā he āvāhana
saṁkalpācā agni sacetana
dhagadhagatyā niṣṭhece spaṁdana
tāruṇyāce cirasaṁvardhana||1||
śirī kosaḻe saṁkaṭa parvata
jhelu tayālā hāṁsata hāṁsata
vijayī manāce he ghanagarjita
rākhīcā pīḻa sāṁge garjūna ||2||
taṁtū taṁtū yā rakṣecā
hradayāṁtaricyā mādhuryācā
baṁdhutvācyā maṁgalatecā
saṁghaśaktice he saṁjīvana ||3||
amūrta svapne yā rakṣecī
bhāratabhūcya ciravijayācī
bāhubalāne mūrta vhāyacī
vanhi cetavū manāmanātuna ||4||
Post new comment